مالك بيا قولتها مره لـ جان
لما ظهرلى فجأه
فجأه من وسط الدخان
قاللى انا جاي اسعدك
قولى طلبك مهما كان
بربشى هتلاقى حلمك
بقى حقيقه ده انا مرجان
كل طلباتك مجابه
وبزياده عليها كمان
قولى قصرمعاه جنينه
بدل الجنه تلاقى جنان
قولتلو عايزه حبيب
صادق من جواه انسان
قاللى طلبك صعب اجيبو
طلبك ده ملوش عنوان
قولتلو ازاى بقى
هو انت مش بردو جان
قولتلو ازاى بقى
هو انت مش بردو جان
قاللى الصدق ده طبع نادر
مش موجود فى اى انسان
قولتلو ياريتك ما جتنى
ده كان املى من زمان
يبقى ليا حبيب يصونى
يحمي من غدر الزمان
قاللى ياريتو كان بايدى
انا دورت ف كل مكان
بس مكدبش عليكى
مفيش دلوقت ده كان زمان
بقلم نسمه عزت
هناك 3 تعليقات:
مساء البنفسج
جميلة اووي يا نسمة
ومعاكي حق ان صعب الصدق نلاقيه وصعب انك تلاقي حبيب اصلا وكمان حبيب صادق يعني كتير صعبة
ان شاء الله متابعة المدونة
وازي متابعهاش وانت علي اسم غالي اوووي
اسم بنت اختي المفعوصة اللي مغلباني
هههه
جميييييييييييله وفكرتها اجمل وان شاء الله تلاقي يا قمر كتاباتك رائعه جدا
جميل يا نسمة .. واضح إن عندك الموهبة .. بس لازم تكبري وتنمي الموهبة دي
اقرأي كتير في الشعر العامي واكتبي دايما
بالتوفيق يارب
إرسال تعليق