الخميس، 3 مايو، 2012

بيخاف عليا م الفرحه


فى عز همومى انا بضحك

عشان متبانش احزانى

وانادى بكره انا بعندى

واقول له هات هموم تانى

وامدح زمانى انا بردو

كريم اصله. . ياما ادّانى!

وكل مجايبو عجبانى!

وياما حققلى فى امانى!!
.
.
بيخاف عليا م الفرحه

وحالف انه ما يجيبها

وعشان بالحزن انا برضى

كتب ع اليفطه ده نصيبها!

وايه يمنع؟مفيش مانع

هات مانا خدت ع الاحزان

وشيلت همومى انا فى اوفّه

ملزمانى فى كل مكان

وان حد راح يصرخ عنك

انا خايف ينقسم ضهرك

اشكر فيه واقول ميرسى

واكمّل سكتى وحدى

لكن بدموعى على خدّى

وع الاحزان تانى اعدّى

تشبط فيا وتنادى

وتقول خدينا وحياتى

شيلينا معاكى فى الاوفّه

اقول اسفه ومقدرشى

وابعد عنها انا وامشى

لكن بردو متهداشى

تشد ف ايدى وقماشى

لحد ماشيلها فى الاوفّه

وأدى حكايتى مع الاوفّه

بقلم نسمه عزت

هناك 4 تعليقات:

سـما نـوار يقول...

جميلة .. تسلم ايديكِ :)

diara elmasry يقول...

وعشان بالحزن انا برضى
كتب ع اليفطه
ده نصيبها!


.....جممييييييييييييييييييلةدى دمتِ مبدعة :))

Hanan w Haneen يقول...

حلوة اوييييي .. وضحكتني الاوفًة دى مع انها شايلة بلاوي ..

سلمت اناملك نسمة ^_^

Deyaa Ezzat يقول...

فيها صور عجبتني

تسلم إيدك