الخميس، 3 مايو، 2012

رافضه خضوعى



رافضه خضوعى ويا رجوعى

وانى اقيد له انا تانى شموعى

رافضه ضلوعه تضم ضلوعى

وانى اعيش وياه بدموعى

حاجات كتيره ياناس تعبانى

يغلط غلطتو ويعيد تانى

حاسه كأنه بيتحدانى

عتاب خلاص مش هعاتب تانى

خلاص تعبت كرهت زمانى

عايزه اتطلق قالها لسانى

لقيتو عمال يترجانى

عمال يقولى انا كنت انانى

حبيبتى مش اجرح فيكى تانى

"حبيبتى" رنت اوى فى ودانى

لقتنى بسامحه بكل كيانى

واقوله اياك بقى نبعد تانى

نظرة عينه ولمسة ايده

همس شفايفه مع تنهيده

نقطة ضعفى وهو عارف

بغلطه مهوش قلقان ولا خايف

حتى ولو كان جرحى انا نازف

اموره تعدى بقولة" اسف "

كلمه وسهله تحل له ازمه

تقيد له النور من بعد العتمه

ادى مشكلتى انا ويا حبيبى

كلمه تجيبنى وتودينى

بجد خضوعى ده بيأذينى

رافضه خضوعى

انا رافضه خضوعى

بقلم نسمه عزت

هناك 10 تعليقات:

غير معرف يقول...

انا ساره يا نونا جميله اوى قرأتها كذا مره

كرامه يقول...

جميله اوى يا نسمه واسمها روعه ,, رافضه خضوعى
جااااااااااامده بالتوفيق يارب

غير معرف يقول...

كتير عجبتنى ما شاء الله ربنا يوفقك
انا رانيم

غير معرف يقول...

الله بقى عليكى يا نسمه جامده اووووووووووى
حاجه كده عن المرأه
شوشو شوقى

Bent Men ElZman Da !! يقول...

جميله اوى يا نسمه
حبيت القوه اللى فيها :)

rona ali يقول...

انا بحب جو التحدى والكرامه دة
اعجبتنى كثيرا :)
تسلم ايدك

Angham Salah يقول...

جميييييييييييييييييله يا نسومه مبسوطه اني بقرالك اوي اوي هشترك طبعا ف مدونتك
ويشرفني متابعتك :)

nesma ezzat/نسمه عزت يقول...

ميرسى ليكم ولتشجيعكم منحتونى دافع وحافز للكتابه

Hanan w Haneen يقول...

بجد فظيعة اوي وعجبتني جدا جدا وحسيتها اوي بتتكلم عني .. وبتتكلم عننا عموما" .. احنا اي كلمة حلوة بتجيبنا وتودينا ودى فعلا مصيبتنا :(

اسعدنى وجودى هنا :)

nesma ezzat/نسمه عزت يقول...

شكرا يا حنان ع الكلام الجميل ده