رحله الى القبر

اتخيلو معايا كده

شغل خيالك خمس دقايق

تخيل لو ملك الموت دلوقت وقف وراك فجأه وبيخبط على كتفك وبيندهلك !!

ملك الموت شكله ايه بقى يا سيدى

ومعاه الملايكه اللى هتساعده فى تطليع روح سعادتك :D

فى اللحظه دى احساسك هيبقى ايه ؟؟؟

تعالو نمشى مع بعض فى  سناريوهين للقصه

 السيناريــــــــو الاووووول
يحكيلكم عنه النبى عليه الصلاه والسلام
وَإِنَّ الْعَبْدَ الْكَافِرَ ، إِذَا كَانَ فِي إِقْبَالٍ مِنَ الدُّنْيَا ، وَانْقِطَاعٍ مِنَ الاخِرَةِ ، نَزَلَ إِلَيْهِ مِنَ السَّمَاءِ مَلائِكَةٌ سُودُ الْوُجُوهِ ، مَعَهُمُ الْمُسُوحُ ، فَيَجْلِسُونَ مِنْهُ مَدَّ الْبَصَرِ ، ثُمَّ يَجِيءُ مَلَكُ الْمَوْتِ[21] ، حَتَّى يَجْلِسَ عِنْدَ رَأْسِهِ ، فَيَقُولُ : أَيَّتُهَا النَّفْسُ الْخَبِيثَةُ اخْرُجِي إِلَى سَخَطٍ مِنَ اللَّهِ وَغَضَبٍ ، قَالَ : فَتُفَرَّقُ فِي جَسَدِهِ ، فَيَنْتَزِعُهَا كَمَا يُنْتَزَعُ السَّفُّودُ مِنَ الصُّوفِ الْمَبْلُولِ ، فَيَأْخُذُهَا ، فَإِذَا أَخَذَهَا لَمْ يَدَعُوهَا فِي يَدِهِ طَرْفَةَ عَيْنٍ ، حَتَّى يَجْعَلُوهَا فِي تِلْكَ الْمُسُوحِ ، وَيَخْرُجُ مِنْهَا كَأَنْتَنِ رِيحِ جِيفَةٍ ، وُجِدَتْ عَلَى وَجْهِ الارْضِ ، فَيَصْعَدُونَ بِهَا ، فَلا يَمُرُّونَ بِهَا عَلَى مَلا مِنَ الْمَلائِكَةِ ، إِلا قَالُوا مَا هَذَا الرُّوحُ الْخَبِيثُ ، فَيَقُولُونَ : فُلانُ بْنُ فُلانٍ ، بِأَقْبَحِ أَسْمَائِهِ ، الَّتِي كَانَ يُسَمَّى بِهَا فِي الدُّنْيَا ، حَتَّى يُنْتَهَى بِهِ إِلَى السَّمَاءِ الدُّنْيَا ، فَيُسْتَفْتَحُ لَهُ ، فَلا يُفْتَحُ لَهُ ... فَيَقُولُ اللَّهُ عَزَّ وَجَلَّ : اكْتُبُوا كِتَابَهُ فِي سِجِّينٍ فِي الارْضِ السُّفْلَى فَتُطْرَحُ رُوحُهُ طَرْحًا .. فَتُعَادُ رُوحُهُ فِي جَسَدِهِ ، وَيَأْتِيهِ مَلَكَانِ ، فَيُجْلِسَانِهِ ، فَيَقُولانِ لَهُ : مَنْ رَبُّكَ فَيَقُولُ : هَاهْ هَاهْ لا أَدْرِي ، فَيَقُولانِ لَهُ : مَا دِينُكَ ، فَيَقُولُ هَاهْ هَاهْ لا أَدْرِي فَيَقُولانِ لَهُ : مَا هَذَا الرَّجُلُ الَّذِي بُعِثَ فِيكُمْ ، فَيَقُولُ : هَاهْ هَاهْ لا أَدْرِي فَيُنَادِي مُنَادٍ مِنَ السَّمَاءِ ، أَنْ كَذَبَ ، فَافْرِشُوا لَهُ مِنَ النَّارِ ، وَافْتَحُوا لَهُ بَابًا إِلَى النَّارِ ، فَيَأْتِيهِ مِنْ حَرِّهَا وَسَمُومِهَا ، وَيُضَيَّقُ عَلَيْهِ قَبْرُهُ ، حَتَّى تَخْتَلِفَ فِيهِ أَضْلاعُهُ ، وَيَأْتِيهِ رَجُلٌ قَبِيحُ الْوَجْهِ ، قَبِيحُ الثِّيَابِ ، مُنْتِنُ الرِّيحِ ، فَيَقُولُ : أَبْشِرْ بِالَّذِي يَسُوءكَ ، هَذَا يَوْمُكَ الَّذِي كُنْتَ تُوعَدُ ، فَيَقُولُ : مَنْ أَنْتَ فَوَجْهُكَ الْوَجْهُ يَجِيءُ بِالشَّرِّ ، فَيَقُولُ : أَنَا عَمَلُكَ الْخَبِيثُ ، فَيَقُولُ : رَبِّ لا تُقِمِ السَّاعَةَ [
تخيل ان ده المنظر اللى انت قاعد فيه فى القبر

كل اهلك مشيو وسابوك وهما فى حالة حزن وبكاء وانت خلاص
 بقيت لوحدك مييييييييييييييييت وبيقولو عليك الله يرحمه وبيدعولك  ويقرأولك قران
احساسك ايه دلوقت نفسك تعمل ايه دلوقت 

السيناريو التاااانى
 قَالَ صلى الله عليه وسلم :انَّ الْعَبْدَ الْمُؤْمِنَ ، إِذَا كَانَ فِي انْقِطَاعٍ مِنَ الدُّنْيَا ، وَإِقْبَالٍ مِنَ الاخِرَةِ ، نَزَلَ إِلَيْهِ مَلائِكَةٌ مِنَ السَّمَاءِ ، بِيضُ الْوُجُوهِ كَأَنَّ وُجُوهَهُمُ الشَّمْسُ ، مَعَهُمْ كَفَنٌ مِنْ أَكْفَانِ الْجَنَّةِ ، وَحَنُوطٌ مِنْ حَنُوطِ الْجَنَّةِ حَتَّى يَجْلِسُوا مِنْهُ مَدَّ الْبَصَرِ ، ثُمَّ يَجِيءُ مَلَكُ الْمَوْتِ عَلَيْهِ السَّلام حَتَّى يَجْلِسَ عِنْدَ رَأْسِهِ ، فَيَقُولُ : أَيَّتُهَا النَّفْسُ الطَّيِّبَةُ ، اخْرُجِي إِلَى مَغْفِرَةٍ مِنَ اللَّهِ وَرِضْوَانٍ ، قَالَ : فَتَخْرُجُ تَسِيلُ كَمَا تَسِيلُ الْقَطْرَةُ مِنْ فِي السِّقَاءِ فَيَأْخُذُهَا ، فَإِذَا أَخَذَهَا لَمْ يَدَعُوهَا فِي يَدِهِ طَرْفَةَ عَيْنٍ ، حَتَّى يَأْخُذُوهَا فَيَجْعَلُوهَا فِي ذَلِكَ الْكَفَنِ ، وَفِي ذَلِكَ الْحَنُوطِ ، وَيَخْرُجُ مِنْهَا كَأَطْيَبِ نَفْحَةِ مِسْكٍ ، وُجِدَتْ عَلَى وَجْهِ الارْضِ ، قَالَ فَيَصْعَدُونَ بِهَا ، فَلا يَمُرُّونَ - يَعْنِي بِهَا - عَلَى مَلا مِنَ مَلائِكَةٌ، إِلا قَالُوا : مَا هَذَا الرُّوحُ الطَّيِّبُ فَيَقُولُونَ : فُلانُ بْنُ فُلانٍ ، بِأَحْسَنِ أَسْمَائِهِ الَّتِي كَانُوا يُسَمُّونَهُ بِهَا فِي الدُّنْيَا حَتَّى يَنْتَهُوا بِهَا إِلَى السَّمَاءِ الدُّنْيَا ، فَيَسْتَفْتِحُونَ لَهُ ، فَيُفْتَحُ لَهُمْ ، فَيُشَيِّعُهُ مِنْ كُلِّ سَمَاءٍ مُقَرَّبُوهَا إِلَى السَّمَاءِ الَّتِي تَلِيهَا ، حَتَّى يُنْتَهَى بِهِ إِلَى السَّمَاءِ السَّابِعَةِ ، فَيَقُولُ اللَّهُ عَزَّ وَجَلَّ : اكْتُبُوا كِتَابَ عَبْدِي فِي عِلِّيِّينَ وَأَعِيدُوهُ إِلَى الارْضِ ، فَإِنِّي مِنْهَا خَلَقْتُهُمْ وَفِيهَا أُعِيدُهُمْ وَمِنْهَا أُخْرِجُهُمْ تَارَةً أُخْرَى قَالَ فَتُعَادُ رُوحُهُ فِي جَسَدِهِ ، فَيَأْتِيهِ مَلَكَانِ فَيُجْلِسَانِهِ ، فَيَقُولانِ لَهُ : مَنْ رَبُّكَ ، فَيَقُولُ : رَبِّيَ اللَّهُ ، فَيَقُولانِ لَهُ : مَا دِينُكَ ، فَيَقُولُ : دِينِيَ الاسْلامُ فَيَقُولانِ لَهُ : مَا هَذَا الرَّجُلُ الَّذِي بُعِثَ فِيكُمْ ، فَيَقُولُ : هُوَ رَسُولُ اللَّهِ محمد صلى الله عليه وسلم ، فَيَقُولانِ لَهُ : وَمَا عِلْمُكَ ، فَيَقُولُ ، قَرَأْتُ كِتَابَ اللَّهِ فَآمَنْتُ بِهِ وَصَدَّقْتُ ، فَيُنَادِي مُنَادٍ فِي السَّمَاءِ ، أَنْ صَدَقَ عَبْدِي فَأَفْرِشُوهُ مِنَ الْجَنَّةِ ، وَأَلْبِسُوهُ مِنَ الْجَنَّةِ ، وَافْتَحُوا لَهُ بَابًا إِلَى الْجَنَّةِ ، قَالَ : فَيَأْتِيهِ مِنْ رَوْحِهَا ، وَطِيبِهَا ، وَيُفْسَحُ لَهُ فِي قَبْرِهِ مَدَّ بَصَرِهِ ، قَالَ : وَيَأْتِيهِ رَجُلٌ حَسَنُ الْوَجْهِ ، حَسَنُ الثِّيَابِ ، طَيِّبُ الرِّيحِ ، فَيَقُولُ : أَبْشِرْ بِالَّذِي يَسُرُّكَ ، هَذَا يَوْمُكَ الَّذِي كُنْتَ تُوعَدُ ، فَيَقُولُ لَهُ : مَنْ أَنْتَ فَوَجْهُكَ الْوَجْهُ يَجِيءُ بِالْخَيْرِ ، فَيَقُولُ : أَنَا عَمَلُكَ الصَّالِحُ ، فَيَقُولُ : رَبِّ أَقِمِ السَّاعَةَ ، 
حَتَّى أَرْجِعَ إِلَى أَهْلِي وَمَالِي .
الحمد لله انت  لسه عايش  فكر شوف محتاج تغير ايه فى حياتك

كفيفات ولكن !

كيف تنتقى ملابسها ؟
كيف تذهب للسوق؟
كيف تدرس؟
كيف تمشى فى الشارع؟  
باختصار كيف تحيا؟؟؟
كانت كل تلك الاسئله واكتر تمر بخاطرى
تجاه فتاه رأيتها تغنى

كانت تغنى فى حفله قد اقامتها مدرستها  بجامعة القاهره 
كانت مدرسه للمكفوفين
نعم انها كفــيــــــــفه!
وجميله ايضا كما كانت تبدو امامى تقف وامامها مايكروفون تغنى وصوتها غايه فى الجمال ترتدى القميص الابيض والجيب الكحلى وقد خمنت انها بالثانويه العامه وتمنيت لو يحالفنى الحظ واتحدث معها واطرح عليها اسئله عن حياتها  لا حصر لها وبينما انا استمع اليها اذا بها الاغنيه تنتهى سريعا وتأتى مشرفه تساعدها فى نزول درجات السلم و و و لن تتوقعو ماحدث ؟؟؟  لقد وجدتهما يتجهان  نحوى مباشرة ويقتربا اكثر واكثر شىء عجيب !!
لقد وجدت المشرفه تطلب منى ان اجلسها جوارى حيث المقعد الخالى 
يااااا اللــــــــه!!
جميل جدا ان تتمنى شىء والقدر يساعدك عليه
سلمت عليها وعرّفتها على نفسى واخبرتنى ان اسمها امنيه ورحبّت بالحديث معى
ولكن فجأه سمعنا صوت عزف على العود ورأيتها سعيده جدا تطلب منى ان اتركها قليلا ونكمل حديثنا لاحقا
حتى تستمع الى عزف صديقتها التى اعتلت المسرح

وكانت ترتدى نفس الزى وكانت تعزف على العود لحن حزين جدا وتساءل عقلى تُرى هل ذلك الحزن يخرج من العود ام من قلب فتاه لا تستطيع ان ترى الا لوحه سوداء موضوعه امام اعينها طوال كل تلك السنوات الماضيه فملأت حياتها هماً وحزناً واسفاً 
ولما لا فنحن حين ينقطع التيار الكهربائى تتوقف حياتنا اشغالنا مذاكرتنا بل لا نستطيع الحركه فى الغرفه التى نعلم تفاصيلها جيدا ونحفظها عن ظهر قلب ولم تلبث ان تمضى الدقائق حتى انتهت صديقة امنيه من العزف 
وأتت بها المشرفه ايضا فى اتجاهى و اجلستها جوار امنيه ورأيتهم يبتسمون وسعداء جدا يتحدثون حول ادائهم على المسرح وقالت امنيه: انها صديقتى ورده
 فقلت لها :اهلا يا ورده انا سعدت بسماع عزفك كم كنتِ رائعه 
وعدت سريعا الى امنيه لنكمل حديثنا
 وسألتها: كيف هى حياتك 
 قالت :يا عزيزتى نعيش حياه عاديه جدا نؤدى الصلاه ونستمع للقران  وندرس فالله من علينا بنعم كثيره فاذا كنا فقدنا البصر فان لدينا حاستى السمع واللمس نعتمد عليهم ونحيا بهم
 أنا الان بالصف الثالث الثانوى وحصلت فى العام الماضى على 95% وانوى ان احصل هذا العام بمشيئة الله على نفس النتيجه او ازيد عليها فانا ارغب ان ادخل كليات القمه ولما لا فأنا سمعت عن طبيبه لا ترى فلماذا لا اقتدى بها؟
 تعجبت كثيرا من قولها
 وقولت لها: كيف تدرسين وتذاكرين دروسك
 قالت: بطريقة برايل ولدينا حاسب الى فى المدرسه وفى المنزل ندرس عليه ايضا
 قلت لها: كيف ذلك انتى لا تستطيعين ان ترى الماده كيف تحركين الفأره وتختارى الاقسام ان هذا شاق جدا عليكى ولكنها فاجأتنى جدا بالرد حيث اخبرتنى انها تدرس عليه بسهوله  وتدخل على الانترنت ولديها منتديات ناجحه جدا بل وحساب على الفيس بوك .
!!!!! لم اصدق ما اسمع
 وقولت لها: احقاً ما اسمع أتفعلين كل هذا؟!
ابتسمت امنيه واستطردت الحديث واخبرتنى ان هناك برنامج ناطق على الحاسوب يقرأ كل كلمه تقف عليها بالفأره 
فتستطيع ان تعرف كل ما على الشاشه دون ان تراها
وهنا قاطعتها ورده وهيا تنظر نحوى وعينها بأعينى وكأنها ترانى قائله:     
مثلنا مثلكم تماما ولكن كل الفرق انكم تعتمدون على العين ونحن نعتمد على الاذن.
 لقد شعرت للحظات انها ترانى فقمت بتحريك يدى امام اعينها للاسفل والاعلى حتى اتأكد وشردت قليلا وقولت فى نفسى لماذا يشوه الاعلام شكل المكفوفين وطريقة كلامهم وحركاتهم ونظراتهم؟ انها تتحدث معى كأى انسانه عاديه وبينما هى تتحدث سمعنا رنة هاتف امنيه

 فقولت لها: لماذا لا تردين
 قالت:انه رقم غريب وانا لا ارد على الارقام الغريبه.
وبعد دقيقه رن هاتفها مره اخرى ورأيتها سعيده هذه المره
 وقالت : انها امى على الهاتف انتظروا دقيقه
وقامت بالرد عليها وطمأنتها ان الحفله  تسيرعلى مايرام وانها اوشكت على الانتهاء وستعود للمنزل فى الموعد المحدد ان شاء الله

وعادت للحديث معنا 
قولت لها: كيف تتعاملين مع الهاتف
قالت: انه البرنامج الناطق الذى حدّثتك عنه موجود هنا ايضا يقرأ كل كلمه اقف عليها وعندما يرن الهاتف يقرألى اسم المتصل و. . .
هنا قاطعتها ورده مره اخرى قائله: يا عزيزتى اننا نعيش سعداء نعيش مثلكم تماما نستطيع ان نفعل اشياء انتم المبصرون لا تستطيعون فعلها ولكن كل ما يضايقنا هو نظرة المجتمع الينا على اننا عاجزين يائسين تنظرون الينا نظرة عطف وشفقه نحن لا نرى تلك النظره ولكننا نشعر بها جيدا 
انها نظره مزعجه حقا
وتحزننا كثيرا.
واستطردت حديثها قائله: 
 ان لى اخا يستطيع العمل على الحاسب جيدا والرد على الهاتف والحديث بلباقه وتقدم الى وظائف عده ولكن اصحاب الوظائف لا يريدون قبول شخص ضرير فى العمل
 كيف له ان يحيا ؟ولماذا تعلم اذاً؟ ومن اين يحصل على المال؟
هل سيعجبكم اكثر حين يتسول فى الشوارع مستغلا فقدان بصره كى تشفقون عليه ؟! يا عزيزتى  انتم من تبعثون علينا بالحزن وليس فقدان البصر

وهنا جاءت المشرفه وقالت لهم: علينا الرحيل فقد جاءت الحافله لتنقلنا هيا بنا

وهنا قالت امنيه وورده: لقد استمتعنا بالحديث معك
قلت لهم:وانا ايضا سعدت جدا
واعطتنى امنيه رقم هاتفها وطلبت منهم صوره تذكاريه قبل الرحيل ووقفنا لالتقاط الصوره

 وودعت امنيه وورده 
وظلّت تتردد على اذنى اخر كلمات قالتها ورده لى
"انتم من تبعثون علينا بالحزن وليس فقدان البصر"

 نعم نحن من نبعث عليهم بالحزن وليس فقدان البصر

انها قصه حقيقيه لورده وامنيه 
وقد حدثت معى بالفعل وليست من وحى الخيال

بقلم نسمه عزت 

رباعية: القلوب الحمرا

القلوب الحمره استفزتنى. . . . .ومش عاجبنى اى دبدوب
عن السبب الناس سألتنى . . . . قولت ع امرى انا مغلوب
لمين هشترى قلوب . . . . . . . . .ولمين هشترى دبدوب
لا عمر بنت حبتنى . . . . . . .  ولا عمر قلبى داب دوب
يا ســيــدى!!

بقلم نسمه عزت
وانتظرو كتاب رباعيات قريبا ان شاء الله

بحبك مش هقولهالك

انا نفسى اكون كونك

اشوف الضحكه فى عيونك

اشوف البسمه فى شفايفك

اكون جمبك واكون همسك

ومندهش بغير اسمك

.

.

.

ورغم ده كله يا حبيبى

برغم ده كله يا حبيببى

بحبك مش هقولهالك

.

.

.

بحبك مش هقولهـــــــالك

اخاف توصل معانى بعيد

عن احاسيس بعيشهالك

عن احاسيس بتملكنى

بتسكننى بتجبُرنى 

فى عز خيالى احلامى

 الاقى نفسى  جيّالك

.

.

.

.
ورغم ده كله يا حبيبى
برغم ده كله يا حبيبى
بحبك مش هقولهالك

بحبك كلمه متداوله

فى سوق العشق والعشاق

وانا نفسى اقول كلمه

مهيش موجوده فى الاوراق
.
.

ونتنفـــس فى معناها

ونعشقهــــا ونهـــواها
وميفوتش علينا يوم
الا وليك قيلاها

.

.

.

وضِيف ويّاها بالمره

اقول: بهواك انا مره

ترد : بعشقى ممكن اموت

.

. 

واقول: مُتيَّمه بحبك

ترد عليا: هيمان موت

.

.

واقول: شغوفه بيك جدا

تقول: ولهان بعلو الصوت

.

.

:انت خليلى فى الدنيا

:وانا وياكى بعد الموت

بقلم نسمه عزت

انكر قول محبتنيش

زيــّف المــاضـى بطــريقـتــك

انــكــــــر قــول .....محبتنــيش

قول عليا بفتــــــــــــــــــــــــرى

قول للناس.... متعرفنــــــيش

وان فى يــــوم قابلت واحــــــده

فى حضنها... نويـــت تعــيش

ان سألـــــــت فى حب فــــــــــات

اكدب عـــادى..... قول مفـــــيش

دقات قلبـــــــــــــك تنطق اسمــى

تفضحك..... فمتخسرنيـــــــــش

ازاى غيرنا يوقع بينــــــــــــــا

تصدقهم..... متصــدقنيـــــــش

ارجع ليا نعـــــــيش ايامنـــــــــــا

ده غيرك انت... ميلزمنيــش

بقــــلم نســمه عــزت

رباعيه براءة طفله

براءة طفله ست سنين

فى جسم معدِّى العِشرين

واه من عمر مر اوام

وسَاوانى بناس وحشين

يا سيدى!! 

بقلم نسمه عزت

وانتظرو كتاب رباعيــــــات

قريبا ان شاء الله

رباعيه لا بخاف الضلمه

لا بخاف الضلمه ..ولا بخاف الموت

بس الامان ......... ده مهوش موجود

ايه السبب!!..............مين السبب!!

قولت الظلم............... ساد الوجود

ياسيدى!!

بقلم نسمه عزت

وانتظرو كتاب ربــاعيــات قريبا ان شاء الله

وقـــال بيقولــو محجبــات

كاسيات عاريات
 باجانب اهى متأثره
وقال بيقولو محجبات
ولابسين جيبه قصيره
سيبك من كل اللى فات
فى خُصله باينه فى شعرها
ده اترحم كل اللى مات
عشان مشافش اللى جرى
لو من قبره طلع وفات
هيشوف بعينه المسخره
من غلبه يقول للبنات
انا مش شايف غير العرى
معقوله كل دى بضيهات
وقَليل بنات متخمره
يموت روحه م العياط
عشان البنات متغيّره
لا واللى غطى كمان وزاد
مش حاسه فى دينها مقصّره
ودينّا غير كل الديانات
ولا هيا حاسه مقدّره
وبتتشبه بالولاد
لا وكمان متعطره
لو قولتلوها القلب مات
عليكو تروح متشطره
وتقول لكو التزمو السكات
لردودها هيا محضّره
لو وقت التوبه منها فات
راح تموت متكدره

بقلم نسمه عزت

رباعيه عاتبت الدنيا ع الهموم

عاتبت الدنيا ع الهموم........................ وكنت منها زعلانه
قولتلها امتى تحسى فى يوم............... ع جرحى تبقى ندمانه
قالتلى ليه تشتكى ..............................ده العند مش سكتى
بقت من يومها بجرحى انا .................................ولهانه
ياسيدى!!

بقلم نسمه عزت
وانتظرو كتاب رباعيات قريبا ان شاء الله

رباعية شوفت الفرح صدفه

شوفت الفرح صدفه فى يوم. . . . .جريت واديتو عنوانى

قولتلو تعالى زورنى فى يوم. . . . .. قولتلو اوعى تنسانى

وأدى الفرح. . . . . . . . .. . . . .. . . . . لحد اليوم ماجانى

انا قولت ده منى هرب . . . . . . . اتاريه ضاع منه عنوانى

ياسيدى!!

بقلم نسمه عزت

وانتظرو كتاب رباعيات قريبا ان شاء الله

شبيك لبيك

مالك بيا قولتها مره لـ جان

لما ظهرلى فجأه

 فجأه من وسط الدخان

قاللى انا جاي اسعدك

قولى طلبك مهما كان

بربشى هتلاقى حلمك

بقى حقيقه ده انا مرجان

كل طلباتك مجابه

وبزياده عليها كمان

قولى قصرمعاه جنينه

بدل الجنه تلاقى جنان

قولتلو عايزه حبيب

صادق من جواه انسان

قاللى طلبك صعب اجيبو

طلبك ده ملوش عنوان
قولتلو ازاى بقى
هو انت مش بردو جان

قاللى الصدق ده طبع نادر

مش موجود فى اى انسان

قولتلو ياريتك ما جتنى

ده كان املى من زمان

يبقى ليا حبيب يصونى

يحمي من غدر الزمان

قاللى ياريتو كان بايدى

انا دورت ف كل مكان

بس مكدبش عليكى

مفيش دلوقت ده كان زمان

بقلم نسمه عزت

يا خساره الاربع حروف

معلـــــش فـــلت منى الحـــرف

معلش كانت لحــــــظة ضــــعف

بشــــوق اجــــرى اقول له بحبك

ملاقيش الا شفــقه وعـــــــــطف

ياخساره الاربـــــــــــع حروف

حرجونى وملونـــــــى كسوف

يعنى اروح لـــــــــه اقوله بحبك

ويقولى ده انا عنـــــــدى ظروق 

إدّانــــــــى الامل بزيـــــاده

حسسنــــى ان حبه عبـــاده

لو اعاتبه واقول له حـــــــرام

يتهرب بقى كالــــــــــعاده

ويقول غيّرى المـــــــوضوع

وطريقى معاه مقـــــــــطوع

غلّبنى وحيرنى معــــــــــاه

وياريت كان بايدى رجوع

وال آه فى الحب بتوجع

وبتاخد ولا عمرك تشبع

حرمان بحرمان بقى يالله

انا هبعد عنه وايه يمنع

بقلم نسمه عزت

اقلعينى من حشاكى

باللهجه الصعيدى

اقلعينى من حشاكى

صدقينى مهيش قضيه
وزعى شربات فراقى
واسقى كل الخلق ديا
افرحى بضحكك غناكى
شمِّتى كونك ده  فيا
قطّعى قصة هوانا
اصل دورى كان ضحيه
ماتخافى يأسى وعذابى
علمينى قسوه ظلم
ضيعى عمرى وشبابى
قولى حضنى ماراح يضم
علمينى اكون شبيهك
نخله كويانى وقويه
لما يهوى حد قلعِك
تخرجى منه عتيّه
لما ينوى حد دبحِك
قدمى له سلاح هَديه
وتقوليلو ان نَصْلَك
مستحيل يخدش ابيّه
علمينى كل حاجه
قولى ليا كلام يفيد
كيف اكون قاسى وشَديد
كيف ابان فى عز جرحى
كانّى لسه عريس جديد
قولى ليا كل حاجه
كل نصحك راح يفيد

بقلم نسمه عزت

بيخاف عليا م الفرحه

فى عز همومى انا بضحك

عشان متبانش احزانى

وانادى بكره انا بعندى

واقول له هات هموم تانى

وامدح زمانى انا بردو

كريم اصله. . ياما ادّانى!

وكل مجايبو عجبانى!

وياما حققلى فى امانى!!

.

.

بيخاف عليا م الفرحه

وحالف انه ما يجيبها

وعشان بالحزن انا برضى

كتب ع اليفطه ده نصيبها!

وايه يمنع؟مفيش مانع

هات مانا خدت ع الاحزان

وشيلت همومى انا فى اوفّه

ملزمانى فى كل مكان

وان حد راح يصرخ عنك

انا خايف ينقسم ضهرك

اشكر فيه واقول ميرسى

واكمّل سكتى وحدى

لكن بدموعى على خدّى

وع الاحزان تانى اعدّى

تشبط فيا وتنادى

وتقول خدينا وحياتى

شيلينا معاكى فى الاوفّه

اقول اسفه ومقدرشى

وابعد عنها انا وامشى

لكن بردو متهداشى

تشد ف ايدى وقماشى

لحد ماشيلها فى الاوفّه

وأدى حكايتى مع الاوفّه

بقلم نسمه عزت

رافضه خضوعى

رافضه خضوعى ويا رجوعى

وانى اقيد له انا تانى شموعى

رافضه ضلوعه تضم ضلوعى

وانى اعيش وياه بدموعى

حاجات كتيره ياناس تعبانى

يغلط غلطتو ويعيد تانى

حاسه كأنه بيتحدانى

عتاب خلاص مش هعاتب تانى

خلاص تعبت كرهت زمانى

عايزه اتطلق قالها لسانى

لقيتو عمال يترجانى

عمال يقولى انا كنت انانى

حبيبتى مش اجرح فيكى تانى

"حبيبتى" رنت اوى فى ودانى

لقتنى بسامحه بكل كيانى

واقوله اياك بقى نبعد تانى

نظرة عينه ولمسة ايده

همس شفايفه مع تنهيده

نقطة ضعفى وهو عارف

بغلطه مهوش قلقان ولا خايف

حتى ولو كان جرحى انا نازف

اموره تعدى بقولة" اسف "

كلمه وسهله تحل له ازمه

تقيد له النور من بعد العتمه

ادى مشكلتى انا ويا حبيبى

كلمه تجيبنى وتودينى

بجد خضوعى ده بيأذينى

رافضه خضوعى

انا رافضه خضوعى

بقلم نسمه عزت