السبت، 7 يوليو 2012

بحبك مش هقولهالك



انا نفسى اكون كونك
اشوف الضحكه فى عيونك
اشوف البسمه فى شفايفك
اكون جمبك واكون همسك
ومندهش بغير اسمك
.
.
.
ورغم ده كله يا حبيبى
برغم ده كله يا حبيببى
بحبك مش هقولهالك
.

.

.
بحبك مش هقولهـــــــالك
اخاف توصل معانى بعيد
عن احاسيس بعيشهالك
عن احاسيس بتملكنى
بتسكننى بتجبُرنى 
فى عز خيالى احلامى
 الاقى نفسى  جيّالك
.
.
.
.
ورغم ده كله يا حبيبى
برغم ده كله يا حبيبى
بحبك مش هقولهالك


بحبك كلمه متداوله
فى سوق العشق والعشاق
وانا نفسى اقول كلمه
مهيش موجوده فى الاوراق
.
.

ونتنفـــس فى معناها
ونعشقهــــا ونهـــواها
وميفوتش علينا يوم
الا وليك قيلاها
.
.
.

وضِيف ويّاها بالمره
اقول: بهواك انا مره
ترد : بعشقى ممكن اموت
.

واقول: مُتيَّمه بحبك
ترد عليا: هيمان موت
.
.

واقول: شغوفه بيك جدا
تقول: ولهان بعلو الصوت
.
.

:انت خليلى فى الدنيا
:وانا وياكى بعد الموت

بقلم نسمه عزت

هناك 9 تعليقات:

ضياء عزت يقول...

مستواكي هنا جميل
وعجبتني أوي يا نسمة

تسلم إيدك

Bent Men ElZman Da !! يقول...

"بحبك كلمه متداوله
فى سوق العشق والعشاق
انا نفسى اقول كلمه
مهيش موجوده فى الاوراق
ونتفننن فى معناها
تصبح سرى انا وانت
ونعشقها ونهواها"

تحففففه يا نسمه
احساسها رائع

تسلم ايدك يا جميله :)

أحمد أحمد صالح يقول...

رائعة جدا كلماتك يا نسمة، بشكلها و باحساسها و باسلوبك الجميل..سعدت بوجودي هنا..تحياتي

الاحلام يقول...

يظهر من بين احرفك احساس رائع جميل نتج عنه كلمات رائعه
استمتعت هنا اليوم اتمنى ان تقبلى مرورى وتحياتى ابوداود

نهله ثقافيه يقول...

جميييييييله اوى يا نسمه الله عليكى يارافعه معنويتنا

مروه زهران يقول...

روووعة

سميّة إمامـ يقول...

بحبك مش هقولهـــــــالك
اخاف توصل معانى بعيد
عن احاسيس بعيشهالك
عن احاسيس بتملكنى
بتسكننى بتجبُرنى
فى عز خيالى احلامى
الاقى نفسى جيّالك
.
.
.
.
ورغم ده كله يا حبيبى
برغم ده كله يا حبيبى
بحبك مش هقولهالك


جميلة جميلة جميلة
ليها إيقاع موسيقي رائع

تسسسلم الأيادي

نانســــى زكـــريا يقول...

بحبك كلمه متداوله
فى سوق العشق والعشاق
وانا نفسى اقول كلمه
مهيش موجوده فى الاوراق

تحفـــــــــة :)

الشاعر أحمد مصطفى يقول...

جميل جدا كلامك استمرى